Jowai, Nailur 29
Ka West Jaiñtia District Table Tennis Association (WJDTA) ha ka sngi Saitjaiñ ka la pynlong ïa ka lympung ïalehkai Table Tennis Competition kaba shi sngi ha Kiang Nangbah Indoor Stadium, Ladthadlaboh, Jowai.
Ïa kane ka jingïakop la pynlong shi bynta ka jingpynkhreh ïa ka lympung bah ka Jylla- kata ka 6th Meghalaya Games 2025 ka ban long ha nongbah Jowai bad Wahïajer ban ïoh sei ïa ki rang bad ki ‘thei ïalehkai na ka district.
Haba phai sha ka jingïalehkai jong ka mixed doubles, ïa ka nam lahduh la rah da u Eraphael Dkhar bad ka Shimtimon Nongbri hadien ba ki la lah ban pynliem noh ïa u Enangtei Ymbon bad Sakaniroi Tariang da 11-2, 7-11, 12-10, 11-9, 11-8, 11-8.
Ha ka women’s singles la jop da ka Sakaniroi Tariang kaba la pynliem ïa ka Pynhunlang Dkhar da 9-11, 5-11, 11-7, 11-8, 11-7, 11-5. Ha ka men’s singles u Lammida-oo Passah u la pynliem noh ïa u Eraphael Dkhar da 8-11, 11-9, 5-11, 11-6, 11-8, 11-8.
Katba ha ka men’s doubles u Enangtei Ymbon bad Ripingson Dkhar ki la ïoh rah ïa ka nam lahduh hadien ba ki la lah ban pynliem noh ïa u Eraphael Dkhar bad Kermi William Lywait da 11-6, 6-11, 11-7, 8-11, 11-5, 9-11, 11-6.
Ïa ki khusnam sha ki nongjop la sam da u Assistant Director ka tnat ïalehkai jong ka Soekar Jylla bad uba long ruh u District Sports Officer (DSO) ka West Jaiñtia Hills u Bah Khroobok Passah kum u kongsan ha ka jingdonlang u Working President WJDSA u Bah EMH Passah, u Vice President WJDSA Bah Patrick Lamare bad kiwei kiwei.
