Shillong, Nailur 29
Ka Meghalaya lem bad san tylli kiwei pat ki Jylla kiba hap hapoh ka North East Cricket Develop-ment Council (NECDC) kin pynkhreh ban ïashim bynta ha ka 1st Senior Women’s Interstate Friend -ship T20 Tournament, kaba la thmu ban sdang ha ka Lah Sngi U Blei.
Ïa kane ka lympung ka ban pynlong da ka Megha -laya Cricket Association yn pynkut ha ka 4 tarik u Risaw bad baroh ki jingïalehkai kin long ha madan ïalehkai kriket ha Pahamsyiem, Nongkhrah, Ri-Bhoi. Ïa kane ka lympung ïalehkai yn pyni paidbah lyngba ka cricheroes app.
Kane ka lympung ka long ruh kum ka jingpynkhreh kaba kongsan na ka bynta ka lympung ïalehkai Senior Women’s T20 Trophy jong ka BCCI, ka ban sdang ïa ka almanak ïalehkai jong ki kynthei hapoh ka ri na ka bynta u snem 2024-25 ha u bnai ban wan.
Nalor ka Meghalaya, san tylli kiwei pat ki jylla jong ka NECDC ki long ka Arunachal Pradesh, Manipur, Mizoram, Naga-land bad Sikkim. Ka Megha -laya, Arunachal Pradesh bad Manipur ki don ha ka Group-A, katba ka Naga-land, Mizoram bad Sikkim ki don ha ka Group-B.
Baroh hynriew tylli ki jylla ki la leh katba lah ban kyntiew ïa ka jingïalehkai kriket hapdeng ki khynnah kynthei bad shynrang ha la ki jong ki jong ki jaka bad ki la nangkiew shaphrang.
Ha u snem 2023-24, ka Sentilemla Imsong na ka jylla Nagaland ka la lah ban kamai ïa ka shiteng spah run kaba nyngkong na ka bynta ka North East Zone, katba ka Debasmita Dutta na Meghalaya ka la ïoh ban khur nyngkong ïa ka 5 wiket na ka bynta ka North East Zone.
Kane ka long ka jingkiew jong ka jingïaleh -kai bad kaba pynsngewtynnad hapdeng ki nongïalehkai ha man la ki distrik jong ka Jylla, ka MCA ka don ka jingkyrmen kaba skhem ban ïoh ïa ka khusnam BCCI na ka kynhun ki kynthei jong ka ha ka lawei kaba ym da jngai than jong kane ka jingïaiaid lynti.
Ki jingïalehkai mynta ka sngi kin long hapdeng ka Arunachal Pradesh pyrshah ïa ka Meghalaya haka por 9 baje mynstep, katba ka Mizoram ïa ka Nagaland ha ka por 12:30 mynsngi.
