Shillong, Nailur 29
Kumba ju long man la u snem ka Maraikaphon Youth Club sa shisien ka la plie ïa ka lympung ïalehkai ki heprit ba la tip kum ka U-14 Football Tournament 2024 ha ka sngi Saitjaiñ ha madan Maraikaphon kaba ha Sohra.
Ha katei ka sngi la ïadon lang u Bah Titosstarwel Chyne, MDC ka Sohra constituency kum u kongsan bad u Bah Ethelbert Sawian kum u symbud kongsan, kumjuh ha ka jingdon lang ki dkhot nongkitkam ka Maraikaphon Youth Club bad kiwei. Ha kane ka lympung ki don haduh 31 tylli ki kynhun ïalehkai kiba na katei ka thaiñ.
Haba phai sha ki jingïalehkai jong katei ka sngi plie, ka MYC ‘B’ ka la pynliem noh ïa ka Nongthymmai Sports Club da 1-0 kol bad ïa kane la thep da u Ananias Ryngnga ha ka minit ba 18.
