Agartala, Nailur:
U Director General of Police, u Amitabh Ranjan ha ka sngi Thohdieng u la pynthikna ba la leh ïa baroh ki lad ki lynti ban pynthikna ïa ka jingrakhe ïa ka Durga Puja ka ban sa wan ha ka jylla baroh kawei ba kan don ha ka jingsuk.
U DGP Ranjan u la leit jngoh ïa ki thanat bapher bapher jong ki pulit ha Gomati bad Sepahijala ha kane ka sngi Thohdieng ban bishar bniah ïa ki kam bad ki jingpynkhreh baroh.
Ha ka jingïakren bad ki lad pathai khubor, u DGP Ranjan u la ong ba ki pulit ka Tripura bad baroh ki jaka treikam jong ki pulit ki la treikam khlem shongthait.
“Ka bor jong nga ka don ka jingthmu ban pyntreikam. Da ka jingnang jan jong ka jinglehniam Durga Puja bad ka ilekshon, nga dang bteng ka jingleit jurip bniah ïa ki thanat pulit. Ka kynhun pulit jong nga ka long ka bynta jong ka jingsarong ïa nga. Ki leh ïa ka kam kaba bha bad ki pynïaid ïa baroh da ka jingshlur ban pynneh ïa ka jingsuk. Nga sngewtikna kane kan dang bteng ha ki sngi ban wan,” la ong u DGP. U la bynrap ruh da kaba ong ba la buh ban pyntreikam haman la ki jaka ban pynneh ïa ka suk-ka saiñ.
“Wat hapdeng ki jingeh baroh, ngin pyrshang katba lah ban pynthikna ïa ka jinglong jingman kaba suk ha ka jylla. Ngi la pyntreikam ïa ki jingthmu bapher bapher na ka bynta ka Durga Puja ban wan, kynthup ïa ka jingpahara, ka jingkhmih bniah, bad kiba bun kiwei pat. Nga ngeit ba kane ka Puja kan long kaba suk bad kaba la pynbeit bha, ” u la bynrap shuh shuh.
