W. S. Marweiñ
Ka party congress hapoh ka State Meghalaya, naduh ba la shimti u Bah P. H. Pala kum u President jong ka M. P. C. C. hapoh ka State Meghalaya, ka Party Congress ka la hiar arsut jraiñ jraiñ jraiñ Balei ? Nga ong kumta, namar ha ka por bym pat long President u Bah V. H. Pala ha u snem 2018 ka Party ka Congress ka don ki MLA haduh 25ngut. Hynrei ha une u snem 2023 pat ki M. L. A. jong ka party Congress ki don sa tang 5ngut. Shano pat ki jah kita ki 20 ngut ki M. L. A. ki jah ki duh na ka jinglong M. L. A. ka daw ka long ba kim mon ha na kim sngewtynnad ïa u Bah V. H. Pala ban long President kum ka kynhun M.L. A. jong U Mukul Sangma na Ri Lum Garo ki phet noh na ka party congress ki leit sha kawei pat ka Party. Kumjuh ruh ïa ki M. L. A. na Khasi bad na Jaiñtia Hills u Bah V. H. Pala u la sospention noh ïa ki haduh 3snem.
Kumta ki M. L. A. na Khasi bad Jaiñtia ruh ki leit rung Party noh sha kiwei pat ki party. Lada ka party congress lada um wan long Preisent M. P. C. C. u Bah V. H. Pala ha une u snem 2023 khlem artatien ka lah ban thaw sorkar ka party Congress. Namar u Bah V. H. Pala u ai tiket ban ïaleh ïa ka Election M. L. A. ha u snem 2023 da ki riew thymmai baroh ki riew rim baroh kim don shuh. Kumta baroh ki rem lut jop sa tang 5ngut. Mynta ha une u snem 2024 lei ngin don sa tang uwei u M. L. A. napoh ka Party Congress. Uta uba dang don hapoh ka Party congress mynta dei satang u Bah Ronnie Lyngdoh u M. L. A. na ka Constituency Mylliem une shisha u dei shisha uta u Dieng Bilat High School, ïa u phi lah ban beiñ, hynrei kumno phin rat, ka shong ha u keiñ ka mon ba jwat namar ki 3 ngut ki M. L. A ki la leit rung noh sha ka Party N. P. P. bad u Bah Saleng Sangma na Tura ruh u la ïeh noh na ka daw ba u la jop ha ka M. P. Election. Nga leit sha ka jingïalang jong ka Party Congress ha ka 22/08/2024 ha Shillong, nga nang mut ba ha kane ka jingïalang ka long ban pynthymmai ïa ki Nongkitkam jong ka Party. Hynrei ki ïa kren pynban ïa ka Party ban pynkhlaiñ ïa ka party. Ngin pynkhlaiñ kumno keiñ ïa ka Party haba ki nongkit kam ki neh kumjuh. Ban pynkhlaiñ ïa ka party te ngi la dei shuwa ban pynthymmai shuwa ïa ki Nongkitkam. Ka jingong u Bah V. H. Pala ka jingphet noh jong ki laingut ki M. L. A. na ka Party Congress dei namar ka jingduk ba ki kwah pisa ki sa leit rung noh sha ka party N. P. P. ba ka dei ka Party ba la ïalam ïa ka sorkar M.D. A khnang ban ioh pisa. Hynrei ha ka jingiohi bad ka jingshem jong nga, ki mih noh na ka Party Congress namar kim mon shuh ïa u Bah V. H. Pala ban dang long kum u President jong ka M. P. C. C. Hynrei ban ïa kdew kti kim kwah. La bha ban shu mih noh khnang ban lait na ka jingïakdew kti.
Ah! Bah V. H. Pala kumno phim sngewthuh ka ktien U Blei na ka ktien ki Riewtymmen ki ong lada me kwah ban long u briew uba bha bad ba lah ban sha-ñiah kiwei nga dei ban sdang shuwa na ka ïing na la shnong ban pyni ïa kata ka jingshañiah shabar na la ïing bad shabar na la shnong. Hynrei phi pat wad na la ka jong ka Constituency la jong ruh haba phi ïaleh ïa ka Election ha u 2023 ïa ka Election M. L. A. phi rem bad haba phi ïaleh ïa ka Election M. P. ha une u snem 2024 ruh na ka Constituency la jong phi rem ka paw ba ki trai jaka ruh kim shaniah shuh ïa phi. Kane kam dei ba nga shu ong ma nga hynrei ki ong hi ki trai constituency jong phi na Sutnga. Ngan shu ai ka nuksa peit u Bah Ardent haba u ïaleh Election ha ka snem 2018 na ka Party H. S. P. D. P. na Nongkrem ha ka por ba u dang long President jong ka Party H. S. P. D. P. u rem. Kumta um lah shuh ban ïalam ïa ka party u ïeh noh ïa ka kam President na ka Party H. S. P. D. P. u thaw da ka party V. P. P shu buh lada u Bah Ardent ha kane ka Election M. L. A. jong u snem 2023 u rem noh na Nongkrem, um jop nga tharai ba u Bah Ardent u lah ban ïalam ïa ki paidbah haduh katne katne. Hynrei namar ba u jop u don ka bor ban ïalam ïa u paidbah haduh katne katne kumjuh ruh ïa phi lada ha une u snem 2023 phi ïaleh ïa ka Election M. L. A. phi jop phi ruh phi khlaiñ, ban ïalam ïa u paidbah. Wat sngew eiei Bah Pala haba nga ong ïa phi kumne, namar ha kaba seng ïa ka Party congress te nga la shuwa bun shah ban ïa phi, bad nga la long u Party Congress naduh ka por ba dang long Prime Minister u Nehru Gandhi, nga la ioh ruh ban ai khublei mar kti ïa u Neru Gandhi ha u snem 1961 (24/01/1961) ha ïing sah jong u Neru ha Nongbah Delhi bad ha ka Pariong Constituency mynshuwa. Hadien ba um don shuh u Bah Bhatiar Singh Syiem, dei ma nga uba la shimti na ka ban pynneh pynsah ïa ka Party congress hapoh Pariong Constituency bad haduh mynta nga dang dei hi u Congress. Naduh ba long M. P. u Bah Peter dei ma nga hi ki Nongïalam jong ka Party Congress na Pariong Constituency haduh ka por jong u Bah G. G. Swer, haduh ka por jong u Bah Ripil Kyndiah bad haduh ka por ba long M. P. ma phi naduh snem 2009, 2014 haduh u snem 2019 ba long ma phi. Hynrei dei tang ha une u snem 2024 ngam kyrshan shuh ïa phi, namar naduh ba wan long President M. P. C. C. ma phi duh noh ka Party Congress naduh Jaiñtia, Khasi haduh Lum Garo Hills. Mynta lei nga ong shuh sa kumno haba hapoh ka Party Congress don satang uwei u M. L. A. ïa kane phi ruh phi tip ym dei ba nga shu ong ma nga. Ah ! Bah V. H. Pala, ha ka por ba dang long M. P. ki jong u Bah Peter, Bah G. G. Swer bad Bah P. R. Kyndiah ki da burom bha ïa ngi ki Riew tymmen. Haba ïakynduh ha ka por ba ki wan tour katno ka jingsngewtynnad hynrei dei tang ynda la long M. P. maphi ki lai term tang ka sha shi pela ruh ngam pat ioh te Bah Pala na ka kti jongphi, kum ba kren u Bah D. D. Lapang ha ka sngi leit on tep ïa u Bah H. S. Lyngdoh ha Mawkyllei, u ong shisien ba la khyllem u Diengbah, slem bah ban khie lung biang ki dieng rit. Nga ruh nga ong shisien bym don shuh ki riew rangbah na ka Party Congress slem ba yn khie lung biang ki dieng rit hapoh ka state Meghalaya.
Ha kato ka jingïalang party hapoh Shillong ha ka 22/08/24 ki Riew rangbah kiba wan poi ha kato ka jingïalang imat dei tang ki briew kiba hapoh 80 snem ka karta ym don uwei ruh uba la kham tymmen ban ïa nga, namar mynta nga la don 85 snem nga mut ban ong ba baroh kiba la wan hangto ha ka jingïalang ban ong ba ki la kham shuwa ma ki ban ïa nga, ba napdeng kito baroh uba don ha ka Party Congress dei ma nga uba la kham shuwa ban ïa ki hapoh ka Party Congress. Kane ka dei ka jing-iohi bad ka jingshem jong nga kum uwei u Riew rangbah napoh ka Party Congress na West Khasi Hills District.
Kumta lada kwah ba ka Party Congress kan im biang hapoh ka State Meghalaya to ngin ïa pynthymmai ïa baroh ki Nongtrei Party naduh khlieh haduh kjat.
