Jowai, Risaw 03
Ka lympung ïalehkai First Division Football Tournament (12th Chatister Kharkongor Memorial Trophy) ba la pynïaid da ka West Jaiñtia District Sports Association (WJDSA) kan sdang ha ka Sngi Thohdieng ha Kiang Nangbah Stadium kaba ha Jowai.
Ha kane ka lympung ki don 12 tylli ki kynhun ki ban ïashim bynta. Ha ka Pool-A ki long ka Chutwakhu, Khimusniang, Dulong, Sohmynting, Nangbah Iawmusiang, Sabahmuswang, ha ka Pool-B ki long ka Mooknor Thadmuthlong, Mynthong, Moosalyngkat, Mookyndur, Mukhla Evergreen bad Khliehïongriang.
Ha ka sngi sdang jong kane ka lympung ka jingïakhun kan long hapdeng ka Chutwakhu pyrshah ïa ka Khimusniang ha ka por 2:30 nohphai sngi.
