Guwahati:
Ar ngut ki samla Meitei kiba la shah pynshisha ba ki la shah rahbor ha ki lehnoh, ki la shah pyllait suk khlem kino kino ki jingmynsaw ha ka Sngi Palei, la ïathuh u Myntri Rangbah jong ka jylla Manipur u N Biren Singh.
U Oinam Thoithoi Singh bad u Thokchom Thoithoiba Meitei ki la shah rahbor ha ki lehnoh ha ka 27tarik, Nailur na Kangpokpi distrik. Kine mynta ki la don ha kti jong ki pulit ban pynlong ïa ka jingtohkit kaba bniah. Kumba la ïathuh la ong ba kine ki samla ki la shah pyllait kum ka jingïapeiñ bad ki 11 ngut ki lehnoh. Hynrei kumba ka long mynta, la dang ïai ap ïa ka por ban ïoh ïa ki jingtip kiba bniah halor kane ka jingjia. Ka jingshah rahbor jong kine ki samla ka la pynmih ïa ka jingbitar kaba jur, kaba la pynlong ban khot pakhang ha ki phra tylli ki distrik jong ka Imphal Valley da ka Joint Action Committee (JAC). Ka jingkhot pakhang shnong ka la ktah jur ïa ka jingim ba man ka sngi ha kane ka thaiñ.
Ki la don lai ngut ki samla katba ki dang leit sha New Keithelmanbi ban leh ïa ka SSC GD Recruitment Test ki la shah pynshisha ba ki la shah rahbor. Uwei napdeng jong ki, u Ningombam Johnson Singh, u la shah pyllait noh ha ki shipai Assam Rifles kham hashwa. Ka durkhih jong kiba la shah rahbor kiba la kyrpad na ka bynta ka jingshah pyllait ka la mih bad saphriang sted ha shwa.
