Jowai, Risaw 04
Ka Khimusniang ka la ïoh jingjop ha kaba sdang ïa ka ïalehkai First Division Football Tournament (12th Chatister Kharkongor Memorial Trophy) ba la pynïaid da ka West Jaiñtia District Sports Association (WJDSA).
Kane ka nam jop ka la wan hadien ba ka la lah ban pynliem noh ïa ka Chutwakhu da 3-1 kol ha ka Sngi Thohdieng ha madan Kiang Nangbah Stadium, Jowai.
Ïa ki kol jong ka Khimusniang la thep da u Deepson Tokbi ha ka minit kaba 42, u Sooki Lamare ha ka minit 51 bad Sanjini Dkhar ha ka minit ba 90+2, katba ïa ka kol jong ka Chut-wakhu la thep da u Bathiang Surong ha ka minit kaba 76.
Kane ka lympung kan bteng biang ha ka sngi Saitjaiñ hapdeng ka Dulong FC pyrshah ïa ka Sohmynting SC ha ka por 12 baje mynsngi, katba ka Nangbah Ïawmusiang pyrshah ïa ka Sabahmuswang SC ha ka por 2:30 baje nohphai sngi.
