Shillong, Risaw 04
Ki shipai BSF ha ka Sngi Palei ki la ïoh kem ïa uwei u nong Bangladesh na ka thaiñ khappud katba u dang thmu ban rung tuh shapoh ka ri India.
Une u nong Bangladesh ba la shah kem u dei ba la tip kyrteng kum u Md Amdadul Haque na Narayanganj District jong ka Bangladesh bad na ka met ka jong u, la ïoh kurup khyndiat ka pisa Bangla.
Kumta na ka liang ki BSF ki la leit ban aiti noh ïa une u nong Bangladesh sha ki pulit jong ka thanat Pynursla ba kan leh shuh shuh ïa kaba donkam halor ka jingwan rung tuh ka jong u shapoh ka ri India.
