Shillong, Risaw 04
Ha ka 4 tarik u bnai Lber 2024, ka Shillong Commerce College’s Red Ribbon Club ha ryngkat ka jingïatreilang bad ka NSS Unit bad ka NCC Unit, ki la pynlong ïa ka prokram pynsngewthuh shaphang ka jingai snam.
Ka Kong Larinia na Meghalaya Aids Control Society, Shillong ka la ai jingkren halor kumno ban ïada na u khñiang HIV bad ka jingpynsngewthuh ïa ka jingai snam ba la ai da ka Dr. P Lamare na Pasture Institute, Shillong.
Hadien kane ka prokram, ka kolej ka la pynlong ïa ka Blood Donation Drive kaba la ïohi ïa ka jingïashim bynta na baroh ar kynhun ki samla pule bad ki nonghikai jong ka kolej.
