Shillong, Risaw 04
Ka Meghalaya Association of Kickboxing Organisation (MAKO) ka la pynkut noh ïa ka lympung ïalehkai XXVIIth Meghalaya State Level Kickboxing Championship 2024 ha ka 28 tarik u Nailur ha MSMA Training Centre kaba ha Laitkor Kynton-U-Mon.
Ha katei ka lympung ïalehkai kaba ar sngi kynthih la wan shim bynta kumba 100 ngut ki nongïalehkai na East Khasi Hills, West Jaiñtia Hills bad East Jaiñtia Khasi Hills District.
Ka kynhun ïalehkai na East Khasi Hills ka la long kum ka lahduh ha katei ka lympung bad ka East Jaiñtia Hills ka la wan ba-ar.
Ha katei ka lympung la don lang ka Kong Bajoplin Kharmudai kum ka konsan ryngkat ki nongkitkam katei ka synjuk bad kiwei kiba la wan ban sakhi lang.
Lah ban kdew ba ka jingpynlong ïa kane ka lympung ka long kum shi bynta ban jied ïa ki nongïalehkai ki ban mihkhmat ïa ka Jylla sha ki lympung ïalehkai Regional bad National Championship ki ban sa long shen ha u Naiwieng lane Nohprah 2024.
