London, Risaw:
Ki nongialam jong ka G7 ha ka Sngi Palei ki la pynpaw ia ka jingsngewkhia kaba jur haba iadei bad ka jingsniew palat ka jinglong- jingman ha Middle East ha kine ki sngi, bad kumta ruh ki la maham tyngeh ia ka Israel ba ka dei ban ialeh katba lah ban pynneh ia ka shongsuk-shongsaiñ ha katei ka thaiñ khamtam haba iadei bad ka jingleit thombor sha Lebanon pyrshah ia ka Hezbollah jong katei ka ri.
Namar la ong ba shisien ba la khie ka thma ha Middle East, ka jingma kaba khraw ka la ap ruh ia ka pyrthei baroh kawei bad kane kan long ruh ka sien ba khatduh ban poi noh syndon sha ka Thma-bah kaba Lai.
