Shillong, Risaw 04
U Coach ka Belgium, u Domenico Tedesco, ha ka Sngi Thohdieng u la pynbna ïa ki kyrteng jong rangïalehkai ki ban pynkhreh ïa ka jingïakhun pyrshah ïa ka Italy bad France ha ka Nations League. U khlur ïalehkai ka Manchester City, u Kevin De Bruyne um shym la shah kynthup na ka daw ka jingmynsaw.
Une u rangïalehkai, 33 snem ka rta u dang don hapdeng ka jingartatien na ka bynta ban wanphai sha ki jingïalehkai bar ri, hynrei na ka liang u Tedesco u la pynpaw ba un dang lah ban shah jied ha ki ar snem ban wan.
“Nga la ïakren slem bha bad u Kevin lyngba ka telephone hadien ba u la mynsaw, hynrei kaei kaba u la pynpaw ka long ba u don ïa ka jingangnud kaba khraw ban ïadon lang bad ngi kum ka kynhun bad ban ïalehkai ruh ïa ka World Cup,” la ong une u coach na Italy.
