Jerusalem, Risaw:
Ki shipai Israel ha ka Sngi Thohdieng ki la pyntip ba kawei ka drone kaba wan poi na ka phang Mihngi, ka la bthei ha katei ka bynta jong ka ri Isarel bad ka la shim ruh ia ka jingim jong ar ngut ki shipai. Na ka liang ki lad pathai khubor paidbah ki la pyntip ba katei ka kam thombor ka wan na Iraq bad ka la leit ruh ban thombor ia kawei ka ktem shipai ha Golan Heights kaba hap hapoh ka jingsynshar jong ka Israel.
Ki shipai ki iathuh ba kitei ar ngut ki shipai, ki dei kiba treikam bad ap pahara ha ka thaiñ Shatei Lam Mihngi jong ka Israel. Haba iakren bad ki nongthoh khubor ha katei ka jaka, la iathuh ba kitei ki shipai ki la duh noh ia ka jingim na ka jingleit thombor bad jingbthei jong katei ka drone kaba wan poi na Iraq, katkum ki jingtip ba la ioh na ki tiar pathai jingtip jong ka tnat syntiat ka Israel.
Kumta, la suba ba ia kitei ki drone UAV la pynher na Iraq da ki lehnoh jong katei ka ri sha ki bynta jong ka Golan Heights.
Nalor nangta, la ong sa kawei pat ka drone kaba la thmu hi ban leit thombor kumba la leh da kitei ar tylli ki drone, la ioh ban tehlakam bad siat pynbthei noh da ki bor pahara ka Israel kiba don ha katei hi ka thaiñ.
