Shillong, Risaw 06
Ka Nongrah SC ka la ïoh jingjop ha ka lympung ïalehkai SSA First Division Football League, hadien ba ba la lah ban pynliem noh ïa ka Sohryngkham SC da 2-1 kol ha ka Sngi Saitjaiñ ha madan First Ground, Polo.
Kane ka nam jop ka la wan urlong lyngba u Shanbok Marboh uba la ïoh ban thep marwei ar kol ha ka minit kaba 15 & 84. Ka Sohryngkham ka la lah ban pynphai kylla shwa ban wai ka jingïalehkai lyngba u Wanlambha Kharpran ha ka minit kaba 90+5.
Ha kaba ïadei bad ka jingïalehkai kaba kham ha shwa hapdeng ka Pohkseh SC bad ka Mawtawar SC la hap ban pynsangeh noh na ka daw ka jingjur slap.
Ka jingïalehkai jong ka Second Division ha ka lah sngi U Blei kan long hapdeng ka Mylliem Lum SA pyrshah ïa ka Lumshyiap SC ha ka por 12:05 mynsngi, katba ka Laitlyngkot SC ïa ka PFR F.A ha ka por 2:45 janmiet.
