Jowai, Risaw 06
Ka West Jaiñtia District Sports Association (WJDSA) ka khot sha ka jingpyrshang (trial camp) na ka bynta ban jied ïa ki ‘rang bad ‘thei ïalehkai athletics ki ban mihkhmat ïa ka district sha ka 6th Meghalaya Games 2025.
Kane ka prokram kan long ha ka 26 tarik mynta u bnai ha ka por 8 baje mynstep ha madan Kiang Nangbah Stadium Ladthadlaboh, Jowai. Ka rta jong ki nongwan shim bynta ka dei ban long 16 snem shaneng bad 23 snem shapoh. Ki khynnah ki dei ban wanrah lang ïa ki kot ki sla kum ka Aadhaar Card bad ka Original Birth Certificate.
Ki jait jingïalehkai ki kynthup naduh 100mtr, 200mtrs, 400mtrs, 800mtrs, 1500mtrs, 3000mtrs, 5000mtrs, 10,000mtrs, Javelin Throw, Discus Throw, Shot put, Long jump bad High jump.
Kumta na ka liang ka WJDSA ka wer ïa ki ‘rang bad ki ‘thei ïalehkai jong ka District kiba don ka sap ha kine ki jait jingïalehkai ba kin wan ïashim bynta ha kane ka prokram. Ïa ki jingtip kiba bniah ki lah ban phone ha kine number 9856109222 & 9862274201.
