Jowai, Risaw 06
Ka Sohmynting ka la ïoh jingjop, katba ka Nangbah Ïawmusiang bad Sabahmuswang ki la ïasam mar shi point ha ka lympung ïalehkai First Division Football Tournament (12th Chatister Kharkongor Memorial Trophy 2024) ba la pynïaid da ka West Jaiñtia District Sports Association (WJDSA).
Ha ka jingïalehkai kaba la long ha madan Kiang Nangbah Stadium, Jowai ha ka Sngi Saitjaiñ, ka Sohmynting ka la pynliem noh ïa ka Dulong da 2-0 kol bad ïa kine la thep da u Chirup Suting ha ka minit 4 & 58.
Ha ka jingïalehkai kaba bud hapdeng ka Nangbah Ïawmusiang bad Sabahmuswang ki la ïakhaid mar 2-2 kol. Ïa ki kol jong ka Nangbah la thep da u Joplangki Challam ha ka minit 64 bad Miker Pyrtuh ha ka minit 66. Hynrei na ka Sabahmuswang la thep da u Dameshwa Dkhar ha ka minit 44 bad u Kemich Shylla ha ka minit 85.
Ha ka 7 bad 8 tarik mynta u bnai ki jingïakhun semi final jong ka lympung ïalehkai Second Division Football Tournament (7th Debo Shullai Memorial Trophy) kin long hapdeng ka Nangbah Dukha pyrshah ïa ka Panaliar ha ka por 2 baje nohphai sngi, katba ka Lion Sports & Youth Affair ïa ka Lumbhahdakha ha ka por 2 baje nohphai sngi.
