Shillong, Risaw 07
Ka lympung ïalehkai First Division Football Tourna-ment 2024 ba la pynïaid da ka Tyrsad Area Sports Association (TASA) ka la nangjam shaphrang ha kaba baroh ar ki jingïakhun ki la poi sha ka jingïakhaid.
Ha ka jingïakhun kaba la long ha ka Lah Sngi U Blei hapdeng ka Nongspung SC bad ka Kyrphei SC ki la ïakhaid mar 1-1 kol. Ka Nongspung ka la pynkhih jar nyngkong lyngba u Lansteward Syiemlieh (21), hynrei ka Kyrphei ka la lah ban pynphai kylla ha ka kylla miet 54.
Haba phai sha kawei pat ka jingïakhun hapdeng ka Perkseh bad ka Rangshangkham SC ki la ïakhaid mar 2-2 kol. Na ka Rangshangkham la thep da u Sdangborlang L. Nonglait (18) bad u Bestarlang L Nonglait (80). Katba na ka Perkseh la thep da u Bitdor Kharshiing (43) bad u Kyrshanlang Nongbet (68).
Kane ka lympung ïalehkai kan bteng biang ha ka 11 tarik ha kaba ka Umkaber Sc kan ïakhun pyrshah ïa ka Mawlum Tyrsad SC ha ka por 12:30, katba ka Mawpong-hong SC ïa ka Thaiñthynroh SC ha ka por 3 baje janmiet.
