Shillong, Risaw 07
Ka Sutnga SS&CC bad ka Umeit SC kin pynkhreh ban ïakhun ïa ka ‘play-off’ na ka bynta ka lympung ïalehkai Meghalaya State League (qualifier) ka ban long ha ka 8 tarik mynta u bnai ha madan Wahiajer Multipurpose Sports Complex ha ka por 2 baje janmiet.
Kane ka lympung ka long shi bynta ban ïaknieh ïoh rung sha ka MSL 2024 ban pynïaid da ka Meghalaya Football Association (MFA). Kumta ka Sutnga ka dei ka kynhun ka ban mihkhmat na East Jaiñtia District Sports Association, katba ka Umeit kan mihkhmat na ka Ri Bhoi District Sports Association.
