Jowai, Risaw 07
Ka Nangbah Dukhu ka la lah pynthikna ban rung sha ka final jong ka lympung ïalehkai 2nd Division Football Tournament (7th Debo Shullai Memorial Trophy) ba la pynïaid da ka West Jaiñtia District Sports Association (WJDSA).
Kane ka la wan urlong hadien ba ka la lah ban pynliem noh ïa ka Panaliar da 2-1 kol ha ka semi-final kaba la long ha ka Lah Sngi U Blei ha Kiang Nangbah Stadium, Jowai.
Wat la kine ki kynhun kim shym la lah ban pynkhih jar ha ka kylla step, pynban ka Nangbah Dukhu ka la lah ban pynurlong ha ka kylla miet lyngba u Shanlang Thubru ha ka minit 72 bad kawei pat da u Thuara Nampui ha ka minit 74. Ha shwa ban wai ka Panaliar ka la lah ban pynphai kylla shi kol lyngba u Sam o wan Sumer (80+7) bad mad ïa ka jingshah rem.
Ka jingïalehkai semi-final ha ka Sngi Ba-ar kan long hapdeng ka Lion Sports & Youth Affair pyrshah ïa ka Lumbhahdakha ha ka por 2 baje nohphai.
