Shillong, Risaw 07
Ka “Meghalaya United” ka la shah jied ban mihkhmat ïa ka Jylla sha ka ‘North-East Team Chess Championship 2024″ ka ban long ha Sikkim naduh 20 haduh 23 tarik u mynta u bnai.
Kane ka kynhun ka kynthup ïa u Bobby Lyngdoh kum u kapten kumjuh u Silkam Sangma, Rijied Katrai, Barbith Sangma bad u Krusen Shira (Reserved).
Ka jingshah jied kane ka kynhun ka la wan hadien ba ka la rah ïa ka nam lahduh ha ka lympung ïalehkai “1st Meghalaya State Team Chess Championship 2024” ba la pynïaid da ka Meghalaya Chess Association (M.C.A) ha ka 5 tarik mynta u bnai ha Government Girls HSS, Shillong ha kaba la wan shim bynta da 12 tylli ki kynhun na ki district bapher bapher jong ka Jylla.
Ïa ka kyrdan ba-ar la khur da ka ‘Game Challengers” kaba kynthup ïa u Ardhendu Sekhar Mandal (Captain), Amar Bhandari, Gipolson Pahsyntiew, Anubhav Sharma bad u Amit Saraf (Reserved).
