Jerusalem, Risaw:
Ka tnat shipai jong ka Israel ha ka Sngi Nyngkong ka la bthah biang ia ki nongshong shnong ka thaiñ Shathie jong ka nongbah Beirut jong ka Lebanon ba kin kynriah bad mih noh na katei ka thaiñ shuwa ba ka Israel kan leit hiar thma biang ia ki lehnoh Hezbollah ha kine ki khyndiat sngi ban wan.
U nongrah ktien jong ka tnat shipai Israel- u Avichay Adraee u la pynbna ruh lyngba ka rynsan ‘X’ lane ka ‘Twitter’ kaba ju ia tip paidbah baroh shi katta, ba ki paidbah nongshong shnong ka Burj al-Barajneh bad Hadath Beirut kin hap ban kynriah noh sha ki thaiñ ba kham pajih kumba 500 Metre na kitei ki bynta khappud jong ka Israel bad Lebanon, khnang ba kan ym don jingktah eiei ia ki paidbah nongshong shnong wat lada ki shipai Israel kin leit ban hiar thma ia ki lehnoh Hezbollah.
