Khliehriat, Risaw 09
Ka Moopynïeiñ SCSO bad Tuberkmai Shnong ki la buh jaka ïalade sha ka Semi Final jong ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association (EJHDFA).
Kane ka la wan hadien ba kine ki kynhun ki la ïoh jingjop ha ka jingïalehkai Quarter Final ka ba la long ha madan Artificial Turf Deinshynrum, Khliehriat ha ka Sngi Balang.
Ha ka jingïalehkai, ka Moopynïeiñ SCSO ka la pynliem da 4-3 ïa ka Wapungskur lyngba ka tie breaker hadien ba ka jingïakhun ha ka por ba la buh ka la kut noh da ka jingïakhait khlem da lah ban pynkhih jar.
Ha ka jingïalehkai ka ba bud, ka Tuberkmai Shnong CSC ka la pynliem ïa ka Ratacherra CSC da 3-0. Ïa ki kol jong ka Tuber Kmaishnong CSC la thep da u Phrangki Phawa ha ka minit ka ba 53, Wansalan Kyndait ha ka minit 74 bad Arnes Ryngkhlem ha ka minit 79.
