Shillong, Risaw 10
Ka State Disaster Response Force (SDRF) ha ka Sngi Balang ka la bteng ïa ki kam jingïarap jong ka ha ki jaka ba shah ktah ha ka jingshlei um jong ka Dalu C&RD Block ha West Garo Hills.
Ka kynhun ki nongtrei ka SDRF ha ka Sngi Balang ki la don bynta ha ka ban sam ïa ki tiar jingïarap ha Doriapara, Anggalanggre bad Ganipara kiba hap hapoh Dalu C&RD Block.
Kum ban shu kdew hangne, ka kynhun SDRF ka la don ha ka thaiñ Dalu – kaba la shah ktah ha ka jingshlei um naduh ka Sngi Thohdieng ba la dep hadien ka jingshlei um namar ka jingjur ka jinghap u slap.
Kane ka long katkum ka kyrwoh na u Additional Public Relations Officer, Directorate of Civil Defence & Home Guards, Meghalaya, Shillong, Bah P.H. Shylla.
