Mawkyrwat, Risaw 10
Ka Nonglang Sport Club kum shibynta ka jingrakhe ïa ka jingdap 50 snem ne Jubili Ksiar, kan pynlong ïa ka Golden Jubilee Football Tournament 2024 ha ka 11 tarik mynta u bnai ha madan Nonglang Pynden ïew Lyngdoh, South West Khasi Hills District.
U Bah Kordorlin Lyngdoh, Secretary ka NSC u la ïathuh ba ka khusnam ha kane ka lympung kan long T 2. lak tyngka ha kaba ka kynhun nongjop kan ïoh ïa ka song pisa kaba T.1,30,000 tyngka ryngkat ka trophy bad kaba wan ba-ar kan ïoh T.70, 000 tyngka.
U Bah Kordorlin u la ïathuh ruh ki kynhun ki ban ïakhun ha katei ka sngi plie kin long hapdeng ka Pynnoh Ri War Football Club napoh SWKHD pyrshah ïa ka Marskuiñ Sports Club napoh West Khasi Hills District ha ka por 1:30 janmiet.
Kumta na ka liang ka Nonglang SC ka wer ïa ki paidbah ‘riew ïeit phutbol jong ka dong ka thaiñ ba kin wan ban sakhi ïa katei ka jinglehkai ha katei ka sngi.
