Khliehriat, Risaw 10
Ka Lumshnong YWSC bad Dkhiah West ki la rung sha ka semi-final ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association (EJHDFA) hadien ba ki ïoh jingjop ha ka Sngi Palei ha Deinshynrum, Khliehriat.
Ha ki jingïakhun quarter final, ka Lumshnong YWSC ka la pynliem noh ïa ka Wapung shnong SC lyngba ka tie-breaker da 3-1 kol bad ka Dkhiah West ka la jop lyngba ka tie-breaker da 5-4 kol ïa ka Lakadong Ummat SCC.
Kumta ki jingïakhun semi final kin long ha ka 12 tarik ha kaba ka Moopynïein SCSO kan ïakhun pyrshah ïa ka Lumshnong YWSC ha ka por 12 baje mynsngi, katba ka Tuberkmai Shnong SSC ïa ka Dkhiah West SC ha ka por 2:30 baje janmiet.
