Shillong, Risaw 10
Ka Marbisu SC ka la pynliem noh ïa ka Lumshyiap da 3-0 kol na ka bynta ban ïoh ïa ka jingjop ha ka Second Division Football League ba la pynïaid da ka Shillong Sports Association ha ka Sngi Palei.
Ha kane ka jingïakhun kaba la long ha SSA Stadium Polo, u Bankitkupar Marbaniang u la ïoh ban thep ar kol ha ka minit kaba 33 & 90+4, katba ïa kawei pat la thep da u Arnesstar Kharpuri (66) na ka bynta ban pynlong ïa ka kynhun ban khur ïa ki lai point.
Haba phai sha kawei pat ka jingïakhun kaba la long kham hashwa hapdeng ka Laitlyngkot SC bad ka Nongkrem SC ki la ïasam mar shi point hadien ba kim shym la lah ban thep kol haduh kaba kut ka por ïalehkai.
