Amlarem, Risaw 13
Ka Amalarem Sub Division Sports Association (ASSA) ka la pynbna ba kan sdang noh ïa ka lympung ïalehkai kaba tip kum ka Amlarem Football League ha ka 24 tarik mynta u bnai.
Ha katei ka sngi sdang ka jingïalehkai kan long hapdeng ka lahduh jong ka Super Division ha u snem 2023,ka Seinbhalang Shkentalang pyrshah ïa ka Pamtbuh Cultural kaba dei ka lahduh jong ka Upper Division 2023. Kane ka jingïalehkai kan long ha ka 1 mynsngi ha madan Mini Stadium Ladjaplem, Amlarem.
Ka Amalarem Sub Division Sports Association (ASSA), ka la pyntip ba kan pynïakap ïa ki kynhun jong ka Upper Division bad Lower Division ha ka 16 tarik mynta u bnai por 10 baje mynstep ha shlem treikam u SDO, Amlarem.
Kumta ka la la kyrpad ïa baroh ki kynhun kiba pynïasoh (Affiliates) bad ka ASSA kin phah mar ar ngut ki dkhot ba kin wan sha kane ka jingïalang ka ban long ha katei ka tarik.
