Shillong, Risaw 14
Ka Shillong Lajong Football Club da ka sngewkmen ka la wan shakhmat ban pynbna ïa ka jingïatreilang bad ka Royal Challenge Packaged Drinking Water, kawei na ki jait jingdih ba paw hapoh ri India, kum ka nongbei tyngka na ka bynta ka lympung ïalehkai I-League jong ka aïom ka ban wan.
Kane ka jingïatreilang ka dei ka por kaba kongsan bha na ka bynta ka Shillong Lajong FC, kaba pynskhem ïa ka jingkular jong ka ban kyntiew ïa baroh ar ka jinglah ban ïalehkai bad ka jingdon jong ka ban kyntiew ïa kane ka jingïalehkai phutbol hapoh ri India.
Ka Royal Challenge Packaged Drinking Water, kaba la tip na ka bynta ka jingaiti jong ka ban kyntiew ïa ki kam ïalehkai bad ka jingïadei jong ka bad ka Royal Challengers Bangalore ha ka Indian Premier League (IPL), ka wanrah ïa ka mynsiem ban ïatrei lang bad ka Shillong Lajong ryngkat ki thmu ban kyntiew ïa ka jingïalehkai jong ka kynhun, katba ki pynroi ïa ka jingïadei kaba kham jylliew bad ki nongkyrshan bad ka imlang sahlang ha ka thaiñ.
“Ngi dap da ka jingkmen ban pdiang sngewbha ïa ka um dih ba la song da ka Royal Challenge sha ka longïing jong ka Shillong Lajong,” ong u Larsing L.D Sawyan, Managing Director ka Shillong Lajong FC. “Ka jingaiti jong ki ïa ka jingtbit bad ka jingpynthymmai ka ïahap bha bad ki jinglong jong ka klob jong ngi. Kane ka jingïatreilang khlem artatien kan pynkhlaiñ ïa ka jingpyrshang jong ngi ban don ka jingktah kaba khraw ha ka I-League bad ban wanrah ïa ka jingkmen ïa ki nongkyrshan ba sngewtynnad jong ngi.”
Na ka liang ka Royal Challenge Packaged Drinking Water ka la pynpaw ïa ka jingkmen da kaba ong, “Ngi sngew sarong ban ïatreilang bad ka Shillong Lajong FC, ka klob kaba pynpaw shisha ïa ka mynsiem bad ka jingsngewtynnad jong ka phutbol ha India. Jied ïa ka jingmut jingpyrkhat kaba shlur, bad tei ïa ka pateng ha ka jingïalehkai.”
Kane ka jingïatreilang ka buh ïa ka Shillong Lajong FC bad ka Royal Challenge Packaged Drinking Water ban buh ïa ki kyrdan ha ka phutbol ha India, ban kyntiew ïa ka jingroi jong ka jingïalehkai bad ban wanrah ka jingïajan ha ka liang ki nongkyrshan bad ka jingïalehkai kaba itynnad.
