Shillong, Risaw 14
Ka Pyndengumiong District Sports Association (PDSA) ka la sdang noh ïa ka lympung ïalehkai phutbol ba la tip kum ka Super Division League Football Tournament 2024 ha ka 12 tarik mynta u bnai ha Dom Mawlum Pyndengumiong, Mairang.
Ha kane ka lympung ki don haduh 10 tylli ki kynhun kiba la wan ïashim bynta kynthup ïa ka Seven United, Kynshi Mawria, LumiewUnited, Lumsohkhlur, Mawphanain, Mission, Nongrmai, Nongthyllep, Riwest laitdom bad ka thangmaw.
Ha kane ka sngi la wan ban plie pyrda da u MDC barim ka Mairang Konstitwensi u Bah Equator Nongrang kum u kongsan ha ryngkat ka jingïadonlang u President ka PDSA u Bah Lambok Nongrang, kiwei ki nongkitkam ka synjuk ha ryngkat ka jingwan sakhi da ki spah ngut ki paidbah ïa ka jingïalehkai kaba nyngkong hapdeng ka Seven United SSCC pyrshah ïa ka Mission SSCC kaba la kut ha ka jingïakhaid mar 1-1 kol.
