Shillong, Risaw 15
Ka Mawkhar SC ka la ïoh jingjop ha ka SSA First Division Football League 2024 hadien ba la pynliem noh ïa ka Malki SC da 2-1 kol ha ka Sngi Ba-ar.
Ha kane ka jingïakhun kaba la long ha SSA Stadium kaba ha Polo, ka Mawkhar ka la pynkhih jar nyngkong eh lyngba u Vergelous Shylla ha ka minit kaba 10. Hadien 10 minit ba la bteng biang ïa ka jingïakhun jong ka kylla miet, ka Malki ka la lah ban pynphai kylla lyngba u Banmanbha Mawiong. Hynrei ka Mawkhar ka la thep biang ïa ka kol kaba ar lyngba u Rickyshan Warjri ha ka minit kaba 69 na ka bynta ban ïoh syndon ïa ka jingjop.
Haba phai sha kawei pat ka jingïakhun hapdeng ka Sohryngkham SC bad ka Pohkseh SC ki la ïasam mar shi point hadien ba kim shym la lah ban thep kol haduh kaba kut ka jingïalehkai.
