Shillong, Risaw 16
Ka kam thok bad shukor pisa nalor ki kam tuh kam thiem ka dang bteng beit jan manla ka sngi bad ha kine ki khyndiat sngi ba la leit ruh, kawei ka longkmie ka la shah thok pisa.
Katkum ka khubor kaba la ïoh na ki pulit la ong ba kawei ka longkmie kaba sah ha kawei na ki dong ha nongbah Shillong ka la ujor ba ha ka 13 tarik mynta u bnai, ha ka por kumba 9.07 mynmiet, ka la ïoh pdiang ïa ka ‘message’ na ka paralok jong ka (lyngba ka account jong kiwei pat ki briew) ha kaba la kyrpad ban ïarap pisa kyrkieh da ka jingkular ruh ban siew noh ha ka sngi kaba bud.
La ong ba halor kane ka jingkyrpad bad jingkular, kane ka longkmie ka la phah ïa ka pisa kaba long T.20 hajar hynrei kham hadien kane ka nongujor ka la sngewthuh ba ka la dep ban shah thok.
