Jowai, Risaw 16
Ki ‘rang bad ‘thei ïalehkai ka North East Adventist University ki la rah ïa ka nam lahduh ha ka lympung ïalehkai ‘Open Volleyball Tournament 2024’ ba la pynïaid da ka shlem treikam u District Sports Officer (DSO), West Jaiñtia Hills District ryngkat ka jingïatreilang bad ka West Jaiñtia District Sports Association (WJDSA).
Ha ka jingïakhun final jong ki shynrang kaba la long ha ka sngi Balang ha madan Mission Compound, Jowai, ka Northeast Adventist University ka la pynliem noh ïa ka Knor Syiem Veteran FC da 3-1 ha ka jingïakhun kaba saw set (25/14, 21/25, 25/22, 25/17).
Haba phai sha ka liang ki kynthei, ka Northeast Adventist University ka la pynliem ïa ka Chilliangraij da 2-0 ha ka jingïakhun kaba ar set (22/9, 25/17).
