Jowai, Risaw 17
Ka Sohmynting bad ka Nangbah Ïawmusiang ki la ïasam mar shi point ha ka 1st Division Football Tournament (12th Chatister Kharkongor Memorial Trophy 2024) hadien ba ki la ïakhaid mar 1-1 kol ha ka Sngi Palei ha Kiang Nangbah Stadium, Jowai.
Ïa ka kol jong ka Sohmynting la thep da u Nihkynmo Suting ha ka minit kaba 17, hynrei hadien shiteng kynta ka Nangbah Ïawmusiang ka la pynïakhaid kylla lyngba u Miker Pyrtuh ha ka minit 34.
Ka jingïalehkai ha ka Sngi Thohdieng kan long hapdeng ka Mooknor Thadmuthlong pyrshah ïa ka Moosalyngkat ha ka por 2 baje janmiet.
