Shillong, Risaw 17
U Vivaan Kapoor u la khur ïa ka takma rupa ha ka jingïakob siat suloi (men’s trap) hadien ba u paralok ba ïalehkai lang u Anant Jeet Singh Naruka u la khur ïa ka takma rnong ha ka jingïakob jong ka men’s skeet kaba la pynlong ïa ka India ban khur saw tylli ki takma ha ka ISSF World Cup Final ha ka sngi Palei.
Ha kane ka jingïakob u Vivaan u la siat 44 ha ka phainal ban pynkut hadien jong u Ying Qi ka China uba la khur ïa ka takma ksiar. Katba u Tolga N Tuncer na Turkey u la khur ïa ka takma rnong da kaba kamai 35.
U Vivaan u la lah ban kamai 120 na ki 125 ha ka jingïaknieh rung na ka bynta ban jam sha ka thup jong ki 6 ngut kiba la rung sha ka final.
Kham mynshwa, u Naruka uba dei u rangïalehkai ba dang 26 snem ka rta na Rajasthan u la lah ban siat 43 ha ka jingïakhun phainal jong 6 ngut bad wan ha ka kyrdan ba lai, katba u Tammaro Cassandro bad u Gabriele Rossetti na Italy ki la rah sha ïing ïa ka takma ksiar bad rupa da kaba kamai 57 bad 56. Ha kane ka jingïakhun final u Naruka u la lah ban kamai 121 na ki 125 jong ka wat jingïakhun.
Haba phai sha ka Sonam Maskar ka la khur ïa ka nam rupa ha ka 10m air rifle jong ki kynthei bad u Akhil Sheoran u la khur ïa ka takma rnong ha ka 50m rifle 3 positions jong ki shynrang.
U Naruka bad u Maheshwari Chauhan kiba la wan ha ka kyrdan ba saw ha ka skeet mixed team jong ka Paris Olympic, ki la duh ban khur ban khur ïa ka takma rnong pyrshah ïa ka China.
