Khliehriat, Risaw 18
Ka Wahïajer YWSC bad ka Diengshynrum ki la ïoh jingjop ha ka jingïalehkai 1st Division Football Tournament ba la pynïaid da ka East Jaiñtia Hills District Football Association (EJHDFA).
Kane ka lympung ïalehkai ka la long ha madan Artificial Turf Diengshynrum, Khliehriat ha ka Sngi Thohdieng.
Ka Wahïajer YWSC ka la jop da 2-1kol ïa ka Rangad SCSC. Katba ka Diengshynrum ka la pynliem ïa ka Moolamanoh SC da 1-0 kol.
Ïa ki kol jong ka Wahïajer la thep da u Santosh Taron ha ka minit kaba 4 bad u Any Manner ha ka minit kaba 10 bad ïa ka shi kol jong ka Rangad la thep da u Hame Lamo ha ka minit kaba 22.
Katba ïa ka kol jong ka Diengshynrum la thep da u Enric Sympli ha ka minit kaba 54.
La Sngi Saitjaiñ kan don ka jingïalehkai hapdeng ka Shilliang Umshnong SC bad Rymbai Wahshnong ha ka por 12.00 baje mynsngi. Ka Iatyllilang SC Hingaria bad Bataw YWSC ha ka por 2.30 nohphai sngi.
