Jowai, Risaw 18
Ka St. Dominic Higher Secondary School bad Thomas Jones Synod Higher Secondary School ki la long ki lahduh ha ka lympung ïalehkai ‘Open Inter School & College Basketball Tournament’. Ïa kane ka lympung ïalehkai Basketball la pynïaid da ka ophis u District Sports Officer (DSO), West Jaiñtia Hills District ryngkat ka jingïatreilang ka West Jaiñtia District Sports Association (WJDSA) ha madan Kiang Nangbah Basketball Court, Jowai haka Sngi Thohdieng.
Ha ka liang ki kynthei ka St. Dominic Higher Secondary School ka la pynrem da (26-17) ïa ka Tome Memorial Higher Secondary School, Jowai. Katba ha ka liang ki shynrang ka Thomas Jones Synod Higher Secondary School ka la pynliem da (54-40) ïa ka Tome Tome Memorial Higher Secondary School, Jowai.
La sam ïa ki khusnam sha ki lahduh bad kynhun ba wan ba ar da ka kongsan ka Kong Pynbeitbha Passah, District Informatic Officer, West Jaiñtia Hills District & Former State Player Basketball ha ka jingdonlang u DSO Bah Khroobok Passah, u Vice President WJDSA Bah Patrick Lamare, ki nong-kitkam jong ka WJDSA, ki nonghikai nalor kiwei kiwei.
