New Delhi, Risaw:
Katkum ki khubor la ong ba tang hadien ba la pynbna ia ka jingiap jong u khlieh duh ka Hamas – u Yahya Sinwar, kawei ka drone jong ki lehnoh ka la leit pynbthei ha ka shnong trai jong u Myntri Rangbahduh ka Israel- u Benjamin Netanyahu ha ki bynta jong ka Caesarea.
Hynrei ha kane ka jingjia ym shym don kiba shah ktah wat la katei ka ‘drone’ ka leit bthei ha ka jaka sah jong u namar utei u nong-ialam ka Israel bad ka kurim kim shym don ha katei ka jaka ha katei ka por.
Ki shipai Israel ki iathuh ba katei ka drone ka dei kaba wan poi na Lebanon bad ka la leit tynrah beit-beit ia katei ka iingmala kaba utei u nongialam ka Israel u sah.
