Shillong, Risaw 20
Ka Balasiewdor Pathaw na ka shnong Nongthliew bad kaba shong basah mynta ha Mawlai Nonglum, ka la wan ha ka kyrdan ba nyngkong jong ka jingïakop mareh ba la tip kum ka Vedanta Delhi Half Marathon (Open 10 Km) kaba la long ha ka Sngi U Blei ha ha nongbah Delhi.
Kane ka dei ka sien ba nyngkong eh ïa kane ka samla kaba dang pule BA 1st Semester ha Shillong College, ba kan leit shim bynta sha katei ka jingïakop mareh kaba la long shabar na ka jong ka jylla bad ka la lah ban pyndep ha ka 42 minit.
