Shillong, Risaw 21 (UNI)
U Additional Director General (ADG) ka tnad Border Security Force (BSF), u Ravi Gandhi u la khmih bniah ïa ka jinglong-jingman ka shong suk-shong shngaiñ ha shi lynter khappud kaba 444 km hapdeng ka India bad Bangladesh – kaba ka Jylla ka ïasam bad kane ka ri ba marjan.
U Gandhi u la khmih bniah ïa ka jinglong-jingman ka shong suk-shong shngaiñ ba mynta bad ïakren ruh halor ki bynta bapher-bapher ba ïadei bad ka rukom treikam bad rukom pynïaid kam ha ki khappud ha kane ka jingwan jngoh ba 2 sngi jong u ïa ka BSF Meghalaya Frontier – 20 bad 21 tarik Risaw, ong ka kyrwoh na BSF ha ka Lah Sngi U Blei.
Ha kajuh ka por, u Inspector General ka BSF, Meghalaya Frontier, u Harbax Singh Dhillon u la batai sha u Gandhi halor ka jingtreikam bad ki lad jingpynkhreh jong kane ka shnat treikam.
Na ka liang u Gandhi u la ïakren ruh bad ki nongshong shnong ba shong ba sah ha ki jaka khappud ka South West Garo Hills ha BOP-Bahadur, 50 Bn BSF.
Shuh shuh u ADG u la ïakynduh ïa u Chief Secretary ka Jylla, Bah D.P. Wahlang bad Director General of Police, Kong Idashisha Nongrang.
