Jowai, Risaw 22
Ka Chutwakhu ka la pynliem ïa ka Sohmynting da 2-0 kol na ka bynta ban ïoh jingjop ha ka 1st Division Football Tournament ba la pynïaid da ka West Jaiñtia District Sports Association (WJDSA) ha ka Sngi Ba-ar ha Kiang Nangbah Stadium, Jowai.
Kane ka nam jop ka la wan urlong lyngba u Gladio Susngi uba la thep kol ha ka minit kaba 8 bad u Meuriki Talang ha ka minit ba 65 na ka bynta ban ïoh ïa ki lai point.
Kumba ka paw ka Chutwakhu bad ka Sohmynting na ki saw sien ïakhun, ki la ïoh mar 7 point.
Ka jingïalehkai ha ka Sngi Balang kan long hapdeng ka Nangbah Ïawmusiang pyrshah ïa ka Khimusniang ha ka por 2 baje nohphai sngi.
