Khliehriat, Risaw 22
Ka lympung ïalehkai First Division Football Tournament ba la pynïaid da ka East Jaiñtia Hills District Football Asso-ciation (EJHDFA) ka la nangjam shaphrang ha kaba ka Byndihati CSC ka la ïoh jingjop ha ka Lah Sngi U Blei ha Diengshynrum, Khliehriat.
Kane ka nam jop ka la wan urlong hadien ba ka la pynliem noh ïa ka Moolamanoh SC da 2-1 kol. Ha kane ka jingïa-khun ka Byndihati ka la ïoh ban thep ar kol ha ka minit kaba 2 bad 5 lyngba u Defence Nongtdu bad u Inikijuh Shylla, hynrei ka Moolamanoh ka la lah ban pynphai kylla ha ka minit kaba 63 lyngba u Eriston Dkhar.
Haba phai sha kawei pat ka jingïakhun hapdeng ka Rangad SCSC bad ka Jalyiah UTD SC ki la ïasam mar shi point hadien ba kim shym lah ban thep kol.
Kane ka lympung kan bteng biang ha ka Sngi Balang (23 tarik) hapdeng ka Pamrakmai SCSC pyrshah ïa ka Ïatyllilang SC Hingaria ha ka por 12 baje mynsngi, katba ka Mukhaialong SCSC ïa ka Shilliang Umshong SC ha ka por 2:30 janmiet.
