Jowai, Risaw 22
Ka YBSC Shella ka la rung sha ka quarter final ha ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club ha madan Wahïajer Sports Complex.
Kane ka jinglah ban pynthikna ka la wan hadien ba ka la lah ban pynliem noh ïa ka Red Mark FC da 1-0 kol ha ka jingïakhun pre-quarter final kaba la long ha ka Sngi Ba-ar. Ïa kane ka shi kol la thep da u Jonathan Mawa ha ka minit kaba 22 bad uba la ïohpdiang ruh ïa ka nam ‘Man of the Match’.
Ka jingïakhun pre-quarter final kaba bud kan long ha ka 24 tarik ha ka por 2 baje nohphai sngi hapdeng ka Galaxy FC pyrshah ïa ka Friends United.
