Jowai, Risaw 22
Ka Amlarem Sub Division Sports Association (ASSA) ka la pynthymmai ïa ki nongkitkam na ka bynta ka samoi treikam jong u snem 2024-2026 ha ka jingïalang ‘Annual General Meeting’ kaba la long ha shlem treikam u SDO, Amlarem ha ka Sngi Ba-ar.
Ha kane ka jingïalang la jied ïa u Bah Wansuk Lamin kum u Working President, Bah Dapmon Tariang kum u General Secretary, Bah Treibor Suchen kum u Assistant Secretary, Bah Shngaiñlang Suting kum u Sports Secretary, Bah Andy Tariang kum u Assistant Sports Serretary, Bah Pophang Khonglah kum u Indoor Secretary, Bah Kerson Rasmut kum u Assistant Indoor Secretary, Bah Mesting Gashnga kum u Treasurer, bad Finance Secretary da u Tremendous Tariang.
Ka ASSA ka la thung Adviser ïa u Murtimon Khyriem bad Sonovershine Nyalang kumjuh Auditor Kishore Lamare. Nalor kata la thung ruh ïa ki dkhot ka ASSA ba kynthup u Abba Suting, Wanribha Tariang, Shylla Pohshna, Moonlight Lamat, Aleo Nongrum bad Tapor Pohthmi. Katba u SDO ka Amlarem un long kum u President jong ka ASSA.
Na ka liang ka ASSA ka la pyntip ruh ba ka la pynpep noh ïa ka sngi sdang jong ka Super League ka ban long ha ka 24 tarik mynta u bnai na ki daw bym lah kiar bad yn kynriat noh sha ka taïew kaba khatduh jong une u bnai.
