Washington, Risaw:
Ka Vice- President jong ka US, Kamala Harris, la ong ba kan pynkut ia ka jingialap ilekshon ba khatduh jongka ha ka 29 tarik u Risaw, naka bynta ka ilekshon President ka ban long ha une u Naiwieng u ban wan.
La ong ba ka jingiakhun hapdeng katei ka nongialam bad u President barim ka US, uba dei u kyrtong ban ïakhun pyrshah ia ka ha kane ka ilekshon ka ban wan, ka long ka jingiakhun kaba iakhaid bha bad lada peit thuh ia ka jinglong jingman katkum ka jingleit ialap ilekshon jong kitei ki 2 ngut ki kyrtong baroh shi katta, la i-kumba mar shiteng na ki paidbah jong ka US ki kyrshan ia ka Harris bad mar shiteng pat ki kyrshan ia utei u nongialam barim namar ki ngeit ba utei u nongialam barim u la iohi ia ki jingeh ba ka US ka don mynta bad namar ba utei u nongialam u la dep synshar teng ha ki snem mynshwa, kumta ki ngeit ba utei u nongialam u la kham iohi jngai bad kham shemphang bha ha ka liang ka synshar khadar baroh.
