Shillong, Risaw 24
U MDC ka Mawlai Constituency u Bah Teiborlang Pathaw u la noh jingïarap da ka song pisa kaba T. 20 hajar tyngka sha ka Mawtawar Sports Club, kaba ïashim bynta mynta ka aïom ha ka lympung ïalehkai First Division Football League 2024 ba la pynïaid da ka Shillong Sports Association.
Na ka liang u Bah Teibor ha ka Sngi Balang u la ai kitbok-kitrwiang ïa katei ka klob ba kan dang ïai trei shitom khnang ba kan lah ban jam sha ka Shillong Premier League. Ha katei ka sngi la ïadon lang ki dkhot jong katei ka klob hapoh ka jingïalam u President u Bah Peter Mukhim bad kiwei kiwei.
Kum ban shu pynkynmaw ka Mawtawar ka la lah ban pynliem ïa ka Nongrah SC da 2-1 kol bad ruh ka la jop da 1-0 kol ïa ka Pohkseh SC.
Ka Mawatawar kan pynkhreh ban ïakynduh pyrshah ïa ka Mawkhar SC ha ka Sngi Thohdieng ha ka por 11:45 mynstep ha SSA Stadium, Polo.
