Jowai, Risaw 25
Kane ka jingïakop mareh kan long ha ka 31 tarik mynta u bnai ka ban sdang ha ka por 6 baje mynstep na Main Gate jong ka Kiang Nangbah Stadium bad ban ïaid lyngba ïa ka Ladthadlaboh Main Road, Jowai Public School, Gate Polytechnic, Kshaid Rymphum, Salaroh, Dulong Poh-hali Road, Dulong, Pamhadem, Panaliar (Civil Hospital), Ïongpiah, Mission Compound, H.K.Singh School, D.C Office, New Hill, National Highway bad pynkut biang ha Kiang Nangbah Indoor Stadium.
Ka shlem treikam u Deputy Commissioner, West Jaiñtia Hills District ha ryngkat ka jingïatreilang bad ka shlem treikam u District Sports Officer (DSO), West Jaiñtia Hills District, kan pynlong ïa ka “Fit India Freedom Run 5.0 & National Unity Day Run 2024” (Rashtriya Ekta Diwas) na ka bynta ki shynrang bad kynthei.
Ka jingpynrung kyrteng ïa ki nongwan ïashim bynta kan long ha Kiang Nangbah Indoor Stadium, Jowai ha ka por 5:30 baje mynstep. Te kumta na ka liang u DSO ula wer ïa ki khynnah bad samla kiba napoh ka District ban wan ïashim bynta ha kane ka jingïakop.
