Shillong, Risaw 29
Ka Mawreng Jr. Academy ka la lah ban pynthikna ban rung sha ka final ha ka lympung ïalehkai U-14 Football Tournament 2024 ba la pynïaid da ka Maraikaphon Youth Club.
Kane ka la wan urlong hadien ba ka la lah ban pynliem noh ïa ka Mawkma Youth Club da 4-1 kol ha ka semi final (2nd leg) na ka bynta ban tam da 6-1 ha ka aggregate, ha ka Sngi Ba-ar ha madan Maraikapjon kaba ha Sohra.
Kumba ka paw ki khynnah ïalehkai ka Mawreng ki long kiba kham kynsai ha kaba ki la lah ban pynpaw ïa ka jingtbit ha kaba ka ïoh ban pynkhih jar tang mar ïasdang ka minit kaba nyngkong lyngba u Lamangdor Kharlukhi. Tang hadien ar minit kane ka kynhun ka la pynbud biang ïa ka kol kaba ar lyngba u Sankiborlang Kharakor.
Ka Mawreng ka la ïoh ban thep biang sa ar lyngba u Habankara Blah bad u Givinson Sun. Katba ka Mawkma ka la lah ban pynphai kylla lyngba u Ebormi Nongrum hashwa ba kan mad ïa ka jingshah rem kaba ar ha kane ka lympung.
Lah ban pynkynmaw ba ha ka semi final (1st leg) kaba la long ha ka 25 tarik mynta u bnai, ka Mawreng ka la jop da 2-0 kol ïa ka Mawkma Youth Club.
Te kumta ka Mawreng ka dangap ïa kawei pat ka kynhun kata hapdeng ka Seng Samla Mawmluh pyrshah ïa ka Maraikaphon Youth Club ki ban ïakhun ïa ka semi final (2nd leg) ha ka 30 tarik. Ha ka semi final (1st leg) ka Maraikaphon ka la pynliem ïa ka Seng Samla Mawmluh da 2-0 kol
