Gaza, Risaw:
Ka Hamas ha kane ka kynti ka la khot ïa ka Israel ban ïakren ïasuk noh bad ban pynkut noh syndon ïa ka thma jong ka Israel hapoh ka nongbah Gaza.
U nongïalam ba hakhlieh jong ka Hamas, u Sami Abu Zuhri, ha ka jingïakren bad ki lad pathai khubor ha ka Sngi Ba-ar, u la ong ba ka Hamas ka kloi ban pdiang ïa kino- kino ki jingïakut bad ka Israel bad ban ïoh ban wanrah noh ïa ka jingïasuk hadpeng ka Israel bad ka Hamas, na ka bynta ban pynkut noh shi syndon ïa ka thma hapoh Gaza. Hynrei, u la ong ba ka jingdawa ba nyngkong eh jong ka Hamas ka long ba ka Israel ka dei ban phah mih noh ïa baroh ki shipai jong ka kiba don hapoh Gaza lada ka kwah shisha ban ïasuk noh. Namar ka Hamas bad ka Israel ki la pynjlan ïa ka jingïakren ïasuk hynrei ka jingïakren jong ki kam pat shym la urlong haduh mynta ruh namar ka jingbym pat lah ban ïabeit.
