Khliehriat, Risaw 30
Ka ïingbishar jong ka District & Session Court, East Jaiñtia Hills District ka la rai pynrem ïa u Bani Sana da kaba set patok shi jingim namar ka jingdonkti ha ka kam pynïap briew kaba la jia naduh kine ki shiphew snem ba la dep.
Nalorkata, ka ïingbishar ka la daiñ kuna ruh ïa une u briew T.50,000 namar kane ka kam bymman bad ka jingrai set patok shuh shuh kaba lai snem nalor ka kuna kaba T.10,000 namar ka jingpynduh pyndam ïa ki sakhi satar.
U Bani Sana u la shah kem noh katkum ka Khliehriat Police Station C/No. 144 (06) 2013 under section 302/34 IPC ha kaba la chargesheet katkum ka vide CS No. 25/2014 dated 18.02.2014.
